我同另一半由2016年計劃結婚，一開始已經打算2017年去韓國影pre-wedding，所以就向呢個方向搵資料。坊間都好多間韓國婚紗攝影代理選擇，自己都有睇過facebook/上網睇下論壇d人評語咁。最後一步就去左婚展，因為全部野都好集中，可以一次過搞掂晒所有野。搞掂晒餅卡酒席果d，就去到最後一環pre-wedding，都行過好多間，有香港本地、台灣、韓國代理。途中一路睇一路上網睇comment，有d竟然話影完big day 都收唔相，真係好驚驚，果d就直接foul。
最後去到TAEHEE WEDDING booth ，上網睇到一致好評，studio靚helper good 化妝good，就坐低左傾細節。傾到人地婚展結束都仲傾緊(本身揀左1個studio,最後睇睇下又覺得另一個靚d)，轉黎轉去咁，多謝接待我地既員工無嫌棄我地煩(因為太多studio都好靚太難選擇 各有各好)。傾好就返屋企訂機票9個月後出發。
出發前一個月會有專人響whatsapp 群組通知所有細節，由於時間隔太耐，好多野都要再double comfirm，問左好多問題，佢地都好有禮貌咁回覆。亦會透過e-mail 將好多韓國資訊帶俾你(例如:韓國地圖、的士分別、地鐵圖、附近餐廳等)，所以第一次去韓國既朋友仔都唔駛驚。
2017年3月影相大日子到啦! 選取早上航班，下午就到達韓國。一落機開WIFI就見到翻譯小姐的msg相約我地響酒店大堂會面。由於江南區比較塞車以及等候利木津豪華巴士的關係有遲到情況出現，但翻譯小姐十分準時到達耐心等候。一到酒店就馬上出發去韓國公司Ria bridal揀婚紗，第一眼見婚紗店老闆娘好親切。由於出發前已提供想試款式，再加上經驗豐富的老闆娘專業意見，非常順利地挑選好服裝。婚紗都係手工製的，韓國婚紗雖然簡約但著出黎cutting真係好靚。Fitting 完翻譯小姐送我地去地鐵站，我地就自由活動。
到埗第2日，酒店享用早餐後出發去化妝，全程都有翻譯小姐陪伴。我揀左WITH 化妝，一開始化底妝，化完就由大師出手晝返D眼耳口鼻，每一筆都好精準。由於韓國化妝室係好大型大約3-5層的關係，化完妝就立即去第二層SET 頭，全程同新郎哥都係分開的，去到整頭髮時相遇左一秒，佢就去左上層化妝。由於本人頭髮長底不夠髮型師建議另外加髮片，加左真係感覺唔同。大家SET好頭化好妝就靚靚出發去影相。呢個時間我地既團隊就加插多左一位靈魂人物-呀姨，幫我們提衣服、束腰、拍攝時幫我們輕微變妝更衣、拍側拍。
一去到studio食午餐，婚紗店老闆娘為我們提供了飯卷。食完就開始換衫影相，我同老公都唔習慣影相又唔識擺pose。多得攝影師非常可愛同風趣，直頭捉住我地隻手隻腳好似教小學生咁教我地擺pose又想盡辦法引我地笑。
途中有一小插曲，天意弄人落大雨，因為有d場景係戶外的關係要取消，以室內為主。本身想有d景室外有d室內，所以果下有d失望。
最後感恩既係停左一陣雨，我地就響呢個時間去影室外，最後影到3個室外景，影影下又落雨，不過都影到自己想影既bachground。
可能有人怕氣溫問題，室外其實好凍，空檔時呀姨都會拿衣服給我披上怕我冷到，室內就有暖氣開放，所以不怕，拍得漂亮就不怕冷。
拍攝時間大概4小時左右，時間過得好快。7天後拎到毛片後原本拍了大概有20個場景，原來短短時間影到咁多，生產力超驚人，雖然時間唔長，但張張都好靚有d難揀。
影完相後同攝影師道別，呀姨、翻譯小姐陪同我們一行4人坐車到地鐵站解散。
我和他就繼續我們的行程。
以下少量照片分享
