瑪格麗特婚紗攝影

今次第一次pre wedding去左台北影，我地2個第一次影，都驚會影得好生硬同唔識要賣咩pose🤦🏻‍♀️所以都諗住第一輯會影得唔好，但收到相之後，我地2個都覺得滿意。

今次pre wedding我地揀左去淡水莊園同埋去海邊影馬，之後去左台北101影夜景。

影相果日上午8點去化妝，大約10點出發去淡水莊園。淡水莊園有更衣室同洗手間，所以換衫都好方便，而且莊園內有多個唔同風格嘅佈置，可以係一日就影到唔同風格嘅相。我地係淡水莊園影到4點幾，大約都影左十幾個景點，之後就去海邊，book左隻馬影相。

由於我地係傍晚時份去海邊，可以影埋日落，好靚㗎😍😍

我地嘅攝影師係阿栗總監，去每一個景點都好用心教我地擺唔同嘅pose，教我地嘅眼應該望去邊個方向，令到影出嚟嘅相都好有味道。因為我地2個都好生硬，所以攝影師、化妝師同埋助手成日都會引我地笑，同埋捉住我地去教我地擺pose，令到影出嚟都好自然。